Plantun de Prouvènço

Pèr coumpara dos planto d'encò nostre

Cyperus glomeratus & Homalothecium lutescens

Cyperus glomeratus

Cyperaceae

Nom en français : Souchet aggloméré.

Descripcioun :
Aquéu triangle, dis espigueto agloumerado emé sa cambo levado e lisco, e segur di tres coustat, nous vèn di relarg quàsi troupicau. Pòu faire fin qu'à 80 cm d'auturo. Au bout de pecou, mai o mens loungaru, s'atrobon lis espigueto brunello e proun sarrado que formon un brout en oumbello. Se rescontro subretout sus li limas en ribo d'aigo dins la "Valado dóu Rose" (Rose e Durènço).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Cyperus
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 10 cm
Flourido : Estiéu - Autouno

Sòu : Ca
Autour basso e auto : 0 à 100 m
Aparado : Noun

Liò : Ribiero
Estànci : Mesoumediterran
Couroulougi : Óurigino paleousubtroupicalo
Ref. sc. : Cyperus glomeratus L., 1756

Mousso-tèco-drecho-daurado

Homalothecium lutescens

Brachytheciaceae

Nom en français : Thèque droite dorée.

Descripcioun :
Aquelo mousso pluroucarpo coumuno trachis subretout à la baso de pège (o un pau aut) e peréu sus li roco e li pelouso ounte pòu proun s'espandi. Se recounèis à si ramo drecho e longo emé coulour verd daura. Li fueio soun en triangle lanceoulado emé 2 à 4 rufo alor que la costo fai de 4 part 3 de la loungour. Lou bout de la fueio es en pouncho e bourdado de dènt.

Usanço :
Se pòu engana emé Homalothecium sericeum, pamens aquelo radiero èi pu ramado e si rizoïde soun estaca tout de long (soulamen à la baso pèr Homalothecium sericeum). Coumpara emé la mousso-tèco-drecho-sedouso.

Port : Pluroucarpo
Taio : 8 à 15 cm
Fueio : 2,5 à 3 mm
Tipe bioulougico :
Cicle bioulougico : Planto renadivo

Gènre : Homalothecium
Famiho : Brachytheciaceae

Ordre : Hypnales

Coulour de la flour :
Petalo : 2 à 3 cm
Ø (o loungour) flour : Coumplet
Flourido : Printèms

Sòu : Ca (Si)
Autour basso e auto : 50 à 2000 m
Aparado : Noun
Mars à mai

Liò : Pège - Roco - Pelouso - Sòu
Estànci : Mesoumediterran à Subaupen
Couroulougi : Oulartico
Ref. sc. : Homalothecium lutescens (Hedw.) H.Rob., 1962

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cyperus glomeratus & Homalothecium lutescens

ges

Coumpara Triangle(-agloumera) emé uno autro planto

Coumpara Mousso-tèco-drecho-daurado emé uno autro planto